Dhuusamareeb(Idaacadda Daar-Dheer)-Kooxda Chelsea ayaa guul ka gaadhay kooxda Leicester City kulan ka dhacay Stamford Bridge kana tirsanaa horyaalka Premier League.Chelsea ayuu xaalku ku xumaaday kadib markii kaadhka cas loo taagay xiddiga Conor Gallagher kaas oo daqiiqadii 28-aad laga saaray ciyaarta.Daqiiqadii 47-aad ayay chelsea dhalisay goolka 1aad waxana u dhaliyay xiddiga Raheem Sterling kaas oo furtay goolashiisa chelsea ee premier League.Blues ayaan halkaas ku joogsan waxana ay sii wadeen dadaalada ay ku doonayaan in ay ku dhaliyaan goolal kale.Daqiiqadii 63-aad ayay chelsea dhalisay goolka 2-aad waxana u dhaliyay xiddiga Raheem Sterling kaas oo ciyaarta ka dhigay 2/0 ay Blues ku hogaaminayso ciyaarta.Kooxda Leicester City ayaa wixii intaas ka dambeeyay hurdada ka kacday iyaga oo bilaabay in ay raadiyaan goolal ay ciyaarta ugu soo laabtaan.Daqiiqadii 66-aad ayay Leicester City dhalisay goolka 1-aad waxana u dhaliyay xiddiga Harvey Barnes kaas oo ciyaarta ka dhigay 2/1 ay wali chelsea ku hogaaminayso.Waxa sidaas ku dhamaatay ciyaarta oo ay chelsea oo 10 xiddig ah guul ka gaadhay kooxda Leicester City isla markaas ka soo laabtay guuldaradii todobaadkii hore.