Dhuusamareeb (Idaacadda Daar-Dheer)-Agaasimaha Guud ee Hay’adda Maareynta Musiibooyinka Qaranka (SoDMA), Mudane Cabdirashiid Maxamuud Xasan, oo uu wehliyay Guddoomiyaha Degmada Beledxaawo, Mudane Shire Cabdullaahi Keynaan, ayaa xarunta degmada ku guddoomiyay kulan gaar ah oo ay la yeesheen hay’adaha samafalka ee ka howlgala degmada.
Shirkan ayaa looga hadlay xaaladda bani’aadannimo ee ka jirta Beledxaawo iyo tuulooyinka hoostaga, taas oo ka dhalatay colaado iyo duruuf nololeed oo adag kuwaas saameeyay bulshada rayidka ah. Waxaa si gaar ah diiradda lagu saaray kulanka sida ugu habboon ee gargaar loo gaarsiiyo dadka nugul iyo dardargelinta howlaha hay’adaha samafalka ee deegaanka iyo guud ahaan gobolka Gedo.
Waxaa soo jeedineya: Abdifitah Mohamed Ahmed.