Dhuusamareeb (Idaacadda Daar-Dheer)-Real Madrid ayaa weyn doonta adeega shan ciyaartoy kulanka habeen dambe ee horyaalka La Liga ay la ciyaari doonaan Athletic Bilbao.
Dani Carvajal, Lucas Vazquez, David Alaba iyo Aurelien Tchouameni ayaa weli dhaawac ku maqan, waxaana ku soo biiray Eden Hazard oo dhaawac canqowga ah ka soo gaaray tababarka todobaadkii hore.
Vazquez ayaa muddo dheer maqnaanaya dhaawac canqowga ah oo ka soo gaaray semi-finalka Super Cup-ka Spain horaantii bishan.
Carvajal ayaa dhawaanahan ka maqnaa xanuun dhanka muruqa ah, halka Alaba iyo Tchouameni midkoodna uusan u safrin Saudi Arabia koobka Spanish Super Cup sababo la xiriira dhibaato kubka.
Si kastaba ha ahaatee, Tababaraha Real Madrid Carlo Ancelotti ayaa sheegay in Carvajal, Alaba iyo Tchouameni ay awoodi doonaan inay soo laabtaan isbuuca soo socda iyaga oo ciyaari kara kulanka Atletico Madrid ee Copa del Rey-ga.
Real Madrid ayaa laba gool ka soo laabtay kulankii ay 3/2 ku garaaceen Villarreal koobka Copa del Rey-ga Ancelotti ayaana doonaya in uu iska ilaaliyo wixii dhacay kulankii Villarreal marka ay la ciyaari doonaan Athletic.