Dhuusamareeb (Idaacadda Daar-Dheer)-Kooxda Liverpool ayaa ugu dambayn ka baxday natiijooyinkii xumaa ee ay ku jirtay premier Leageu kulamadii ugu dambeeyay iyaga oo garaacay Leeds United.
Kulanka ayaa ahaa mid ay Leeds United ku fiicantahay bilowgii ciyaarta iyaga oo halis galinayay goolka kooxda Liverpool.
Leeds United ayaa ugu cad-cadayd in ay ku hor marto goolka xilli ay Liverpool ku dhibaatoonaysay goolka hortiisa.
Laakiin Liverpool ayaa daqiiqadii 35-aad dhalisay goolka 1-aad ee ciyaarta waxana u dhaliyay xiddiga Cody Gakpo kaas oo hogaanka u dhiibay kooxdiisa ciyaartana ka dhigay 1/0.
Daqiiqadii 39-aad ayay Liverpool dhalisay golka 2-aad waxana u dhaliyay Xiddiga Mohamed Salah kaas oo hogaanka u dheereeyay kooxdisa ciyaartana ka dhigay 2/0.
Daqiiqdii 47-aad ayay leeds dhalisay goolka 1-aad waxana u dhaliyay xiddiga Luis Sinisterra kaas oo ciyaarta ka dhigay 2/1 ay kooxdiisu rajo ku heshay.
Laakiin Liverpool ayaa sii waday raadinta goolal ay ciyaarta ku disho iyada oo doonaysay in ay iska ilaaliso lama filaano dhaca.
Daqiiqadii 52-aad ayay Liverpool dhalisay goolka 3-aad waxana u dhaliyay xiddiga Diogo Jota kaas oo ciyaarta ka dhigay 3/1 ay Liverpool ku hogaaminayso ciyaarta.
Waxa uu Mohamed Salah daqiiqadii 64-aad dhaliyay goolka 4-aad ee kooxdiisa isaga oo ciyaarta ka dhigay 4/1 ay Liverpool ku hogaaminayso ciyaarta.
Mar kale ayuu Diogo Jota soo laabtay daqiiqadii 73-aad waxnaa uu dhaliyay goolki 5-ad ee kooxdiisa isaga oo ciyaarta ka dhigay 5/1.
Xiddiga Darwin Nunez ayaa daqiiqadii 90-aad dhaliyay goolkii 6-aad ee kooxdiisa isaga oo ciyaarta ka dhigay 6/1 ay Reds ku hogaaminayso.
Waxa sidaas ku dhamaatay ciyaarta oo ay Liverpool 6/1 ku xasuuqday kooxda Leeds United kuna soo laabatay wadada guulaha kadib natiijooyinkii xumaa ee ay kulamadii ugu dambeeyay heshay.