Dhuusamareeb (Idaacadda Daar-Dheer)-Xidigii hore ee Premier League Dietmar Hamann ayaa aaminsan in Thomas Tuchel la ceyrin karo hadii Bayern Munich ay ku guuldareysato inay ku guuleysato Bundesliga xilli ciyaareedkan.
Tuchel, oo 49 jir ah, ayaa loo magacaabay tababaraha Bayern bishii hore ka dib markii uu ka tagay Julian Nagelsmann.
Waxa uu badiyay kulankiisii ugu horeysay ee uu hogaamiyay kooxda oo uu ka hor tagay Borussia Dortmund – laakiin Haatan waxa ay hogaanka horyaalka Bundesliga u wayday kooxda Dortmund kadib guuldaradii todobaadkan.
Haatan waxa uu halis ugu jiraa inuu waayi doono shaqadiisa toddobaadyo uun ka dib markii uu ku biiray kooxda, sida uu sheegay Hamann.
Xidigii hore ee khadka dhexe ee Liverpool iyo Manchester City ayaa u sheegay wargayska reer Germany ee Ruhr Nachrichten: “Hoggaanka ayaa laga yaabaa in uu jahawareero, laakiin tababaruhu sidoo kale waxa uu sameeyaa muuqaal jahawareer ah afartii todobaad ee uu ilaa hadda joogay”.
“Haddii uu sidoo kale ku khamaaro horyaalka waxa halis gali doono shaqadiisa kooxda”.