Dhuusamareeb (Radio Daar-Dheer):-Xiddiga weerarka uga ciyaara kooxda Bayern Munich ee Sadio Mane ayaa lagu soo waramayaa in uu aad u jecelyahay in uu ku laabto kooxda Liverpool xagaaga dhamaadka xilli ciyaareedkan.
Mane ayaa xagaagii isaga tagay Liverpool waxana uu u dhaqaaqay Bayern Munich kadib markii uu go’aansaday in uu tartan cusub raadsado.
Laakiin Mane ayaa si weyn ugu dhibaatoonaya Bayern Munich iyo horyaalka Bundesliga kadib markii uuna si fiican ku bilaaban xilli ciyaareedkan.
Sida ay sheegayaan warar ka imanay Germany Mane ayaa aad u jecel in uu ku laabto kooxdiisii hore ee Liverpool xagaaga dhamaadka xilli ciyaareedka.
Sida uu sheegayo wargayska Bild ee ka soo baxa Germany, Mane ayaa doonaya in uu qirto khaladkii uu sameeyay xagaagii kaas oo ahaa in uu ka taga Reds.
Sidaas darteed Mane ayaa doonaya in uu ku laabto premier Legaue si uu mar kale uga hoos shaqeeyo tababare Jurgen Klopp.