Dhuusamareeb (Radio Daar-Dheer):-Weeraryahanka reer Poland Robert Lewandowski ayaa hogaaminaya gooldhalinta La Liga xilli ciyaareedkan iyada oo dhamaad ku dhawyahay xilli ciyaareedka.
Lewandowski ayaa dhaliyay 19 gool inta lagu guda jiro xilli ciyaareedkaan horyaalka La Liga, waxaana ku soo xiga weeraryahanka reer France Karim Benzema isagoo dhaliyay 17 gool waxa ku xiga xiddigaha Espanyol iyo Getafe ee Joselu iyo Ennis Onal oo dhaliyay 14 gool.
Xiddiga reer France ee Antoine Griezmann ayaa ku jira kaalinta shanaad ee liiska gool dhalinta isaga oo dhaliyay 13 gool si la mid ah saaxiibkiis Alvaro Morata.
Laakiin hadii rikoodhayaasha laga saaro xiddiga Barcelona ee Lewandowski ayaa ah xiddiga ugu goolasha badan maadama dhamaan 19-ka gool ee uu dhaliyay uu u dhaliyay qaab caadi ah oo aanay rikoodhe ku jirn.
Waxa u xiga Alvaro Morata kaas oo dhaliyay 13 gool horyaalka La Liga bilaa rikoodhayaal isaga oo 6 gool ka dambeeya xiddiga kooxda Barcelona ee Lewandowski.
Waxa ku xiga xiddiga kooxda Real Madrid ee Karim Benzema kaas oo dhaliyay 11 gool oo rikoodhe la’aan ah halka uu 6 ka dhaliyay rikoodhe.