Dhuusamareeb (Radio Daar-Dheer):-Chelsea ayaa heshiis la gaartay Mauricio Pochettino si uu u noqdo macalinkooda cusub.
Faahfaahinta heshiiska ayaa la filayaa in la soo gabagabeeyo maalmaha soo socda.
Pochettino ayaa bilaabi doona doorkiisa cusub xagaaga, iyadoo Jesus Perez, Miguel D’Agostino, Toni Jimenez iyo wiilkiisa Sebastiano Pochettino ay kula soo biiri doonaan Stamford Bridge.
Pochettino ayaa la shaqeyn doona agaasimayaasha isboortiga ee Chelsea iyo Frank Lampard, oo ah tababaraha ku meel gaarka ah, ka hor dhamaadka xilli ciyaareedka.
Tababaraha reer Argentina ayaa ka maqnaa kubadda cagta tan iyo markii uu ka tagay doorkiisii Paris Saint-Germain bishii July ee sannadkii hore.
Chelsea ayaa raadineysay tababare cusub oo joogto ah tan iyo markii ay ceyrisay Graham Potter bishii hore, iyadoo tababarihii hore ee Lampard si ku meel gaar ah Loogu dhiibay xilka.
Pochettino ayaa tababare u soo noqday kooxaha Espnayol, Southampton iyo Tottenham oo uu la gaadhay Final-ka champions League.