Dhuusamareeb (Radio Daar-Dheer):-Kooxda kubadda cagta Manchester United ayaa kusoo laabatay tubta guusha kaddib markii ay 2-0 ku garaacday Wolves oo marti ku ahayd Old Trafford, waxaanay ka baxsadeen Liverpool oo cidhiidhi ku haysay oo ay afar dhibcood ka sarreeyan.
Gool uu qaybtii hore dhaliyey Anthony Martial ayaa Manchester United ay hoggaanka ku haysay illaa laga soo gaadhayay waqtigii dheeraadka ahaa ee lagu daray ciyaarta, markas oo uu wiilka da’da yar ee Alejandro Garnacho oo kasoo laabtay dhaawac uu shabaqa soo taabtay, kana saaray baqashadii haysay Erik ten Hag.
Red Devils oo uu walaac badan ku hayay maqnaanshaha Marcus Rashford oo dhaawac ah ayaa waxay dabbaal-degtay daqiiqaddii 32aad oo kubbad ay difaaca Wolves khalkhaleen uu Antony goolka hortiisa u dhigay Anthony Martial oo isaguna qalad la’aan ku dhamaystiray.