Dhuusamareeb (Radio Daar-Dheer)-Kooxda chelsea ayaa lagu soo waramayaa in ay xiddiga Kai Havertz u sheegtay in uu heshiis cusub u saxiixo kooxda ama in la iibin doono suuqa xagaagn.
Xiddiga reer Germany ee 85-ka milyan kaga soo biiray chelsea kooxda Bayer Leverkusen sanadkii 2020 ayaa gali doona sanadkii ugu dambeeyay ee heshiiskiisa waxana ay maamulka chelsea doonayaan in ay ka fogaadaan in ay xor ku waayaan xiddiga.
Havertz waa gooldhaliyaha ugu sarreeya ee Chelsea xilli ciyaareedkan Premier League isagoo dhaliyay 7 gool laakiin Mauricio Pochettino ayaa doonaya inay kooxdu la soo saxiixato weeraryahan cusub.
23-sano jirkaan ayaa ka mid ah ciyaartoyda kooxda Chelsea ee lala xidhiidhinayo in ay isaga tagayaan kooxda suuqa xagaagan iyada oo kooxdu doonayso in ay ka fogaato jabinta xeerka dhaqaale wanaaga.
Real Madrid ayaa haatanba dalbatay xiddiga Havertz iyada oo raadinaysa badalka xiddiga Karim Benzema kaas oo la xaqiijiyay in uu ka tagayo kooxda.
Sida laga soo xigtay Mailonline, Chelsea ayaan hor istaagi doonin xiddiga Havertz hadii uu doonayo in uu isaga tago kooxda laakiin kooxda ayaa sii haysan doonta xiddiga hadii uu heshiis cusub u saxiixo kooxda.