Dhuusamareeb (Idaacadda Daar-Dheer)-Barcelona ayaa ka fal celisay wararka la xiriirinaya inay u dhaqaaqayso saxiixa xiddiga Paris Saint-Germain Kylian Mbappe.
Waxaa la sheegay in Barca ay ka mid tahay shan kooxood oo xiisaynaya saxiixa Mbappe, iyadoo sidoo kale lala xiriirinayay Manchester United, Chelsea, Tottenham iyo Inter Milan.
Ku Biirista xiddiga ee Tottenham ayaa isla markiiba la beeniyay iyada oo ay wararku sheegayaan in uuna xiddiga 24 sano jirkan uuna xiisaynayn u dhaqaaqista Tottenham.
Wargayska L’Equipe ayaa sheegay in ay Barcelona xiddigo badan u soo bandhigi doonto PSG si ay u yarayso lacagta lagu iibinayo xiddiga.
Si kastaba ha ahaatee, waxa ay u muuqataa in kooxda La Liga ka dhisan aysan ku jirin tartanka loogu jiro saxiixa xiddiga sida ay ilo wareedyo ku dhaw kooxda sheegeen.
Wararka ayaa sheegaya in ay PSG magaca Barcelona u adeegsanayso in ay cadaadis ku saarto Real Madrid si ay ugu dhaqaaqdo saxiixa xiddiga.