Dhuusamareeb (Radio Daar-Dheer)-Real Madrid ayaa lagu soo waramayaa in ay bartilmaameedka ugu horeeya ee suuqa kala iibsiga u calaamadsatay weeraryahanka Manchester City ee Julian Alvarez.
23-sano jirkaan ayaa bishii July ee lasoo dhaafay uga soo biiray Man City kooxda River Plate, waxaana uu wacdaro ka dhigay xilli ciyaareedkiisii ugu horreeyay ee kooxda Pep Guardiola, isagoo dhaliyay 17 gool, waxaana loo diiwaan geliyay 5 caawin 49 kulan oo uu saftay.
Alvarez ayaa sidoo kale ku bilowday xilli ciyaareedkan qaab ciyaareed xoogan isaga oo dhaliyay 2 gool isla markaana caawiye ka noqday mid kale 4 kulan oo premier League isagoo ka faa’ideystay dhaawacii dhawaan soo gaaray Kevin De Bruyne.
Heshiiska xiddiga reer Argentine ee Man City ayaa dhcaya bisha June 2028, aakiin sida laga soo xigtay Fichajes, Real Madrid ayaa rajeyneysa inay ku tijaabiso Bernabeu xagaaga soo aadan.
Wararka ayaa sheegaya in ay Los Blancos qorshaynayso in ay xiddiga ka dhigto badalka Karim Benzema kaas oo xagaagii dhawaa ka tagay kooxda.