Dhuusamareeb (Radio Daar-Dheer)-Arsenal ayaa wayday fursad Real Madrid ugu garaaci lahayd saxiixa xiddiga Federico Valverde markaas oo uu xiddiga reer Uruguay ahaa da’yar aan la garanayn toban sano ka hor.
Valverde ayaa ah ciyaaryahan muhiim u ah kooxda koowaad ee Madrid tan iyo 2019. Xili ciyaareedkii hore waxa uu ahaa xilli ciyaareedkiisii ugu fiicnaa isagoo saftay 56 kulan tartamada oo dhan, isagoo dhaliyay 12 gool.
Xiddiga oo ka ciyaari kara khadka dhexe iyo waliba garbaha weerarka ayaa haatan ka mid ah xiddigaha ugu fiican ee kubada cagta booskooda.
Laakiin arinta ayaa ka duwanaan lahayd sida haatan hadii ay Arsenal la soo saxiixan lahayd xiddiga sanado ka hor.
Wararka ayaa sheegaya in xiddiga Valverde oo 16 jir ah uu tababar tijaabo ah la qaatay Arsenal sanadkii 2015.
Si kasta ha ahaatee Arsenal ayaa iska diiday in ay 4 milyan kula saxiixato xiddiga.
“Markii aan tababarka u aaday Arsenal, Alexis waa uu joogay, wuxuuna ahaa mid ka mid ah kuwii i caawiyay, mar walba abaal ayaan u hayn doonaa si fiican ayuu ii soo dhaweeyay wuuna i caawiyay”ayuu sii raaciyay.