Dhuusamareeb (Radio Daar-Dheer)-Kooxda Man City ayaa la ciyaari doonta kooxda West Ham kulan ka tirsan todobaadkii 5-aad ee horyaalka premier Leageu.
City ayaa doonaysa in ay sii wadato guulaha iyo difaacashada horyaalka premier League marka ay la ciyaarayso West Ham.
West Ham oo dhinaceeda ku jirta qaab ciyaareed fiican ayaa doonaysa in ay sii wadato xilli ciyaareedkooda fiican horyaalka.
Kulanka: West Ham Vs Man City
Tartanka: Premier League
Wakhtiga: 5:00
Garoonka: London Stadium
XAQIIQOOYINKA KULANKA:
West Ham ayaa 15 kulan oo Premier League ah wax guul ah ka soo gaadhin Manchester City tan iyo markii ay 2-1 kaga badiyeen Etihad bishii September 2015 (3 barbaro iyo 12 guuldarro ah).
Hammers ayaa barbareyn kara guul la’aantooda ugu dheer Premier League oo ay la kulmaan isla kooxda: 16 kulan oo ay wajaheen Manchester United 1993 ilaa 2001.
Guusha kaliya ee ay gaareen 13-kii kulan ee ugu dambeeyay ee horyaalka gurigooda ay la ciyaareen City waxa ay aheyd 2-1 ciyaar ka dhacday Upton Park bishii Oktoobar 2014.
Manchester City ayaa badisay dhamaan afartii kulan ee ay ciyaartay horyaalka xilli ciyaareedkan. Guushii ugu dheera ee ay ku gaadhaan bilawgii Xilli ciyaareedka intii uu Guardiola hogaaminayay tan ilaa 2016/2017.