Dhuusamareeb (Idaacadda Daar-Dheer)-Kooxda Barcelona ayaa guul Weyn ka gaartay kooxda martida ahayd ee Real Betis,waxana ay kaga badisay shan gool kulan ka tirsanaa horyaalka La Liga.
Daqiiqadii 25-aad ayay Barcelona dhalisay goolka waxana u dhaliyay xiddiga Joao Felix kaas oo dhaliyay goolkiisii ugu horeeyay ee kooxda Barcelona, ka hor inta uusan Boliiska Robert Lewandowski ku guuleysan inuu goolkii labaad u dhaliyo kooxdiisa.
Barcelona ayaa qaybta dambe ee ciyaarta la soo shir tagtay awoodeeda weerar waxana ay dhaliyeen goolka 3-aad daqiiqadii 62-aad waxana u dhaliyay xiddiga Ferran Torres.
Afar daqiiqo oo dheeri ah ayaa ku filneyd in ay dhaliyaan goolka 4-aad ee ciyaarta kadib markii uu u dhaliyay xiddiga Raphinha isaga oo ka faa’iidaystay baas uu ka helay xiddiga Lewandowski.
Joao Cancelo ayaa ku dayday ninka ay isku dalka yihiin ee Felix, wuxuuna goolkisii ugu horeeyay u dhaliyay Blaugrana, isaga oo daqiiqadii 81-aad u dhaliyay goolka 5-aad ee kooxdiisa.
Guusha ay Barcelona gaartay ayaa sare u qaadaysa dhibcaha ay Barcelona ku leedahay horyaalka La Liga iyaga oo leh 13 dhibcood waxana ay si ku meel gaadh ah u qabteen hogaanka horyaalka La Liga.