Dhuusamareeb (Radio Daar-Dheer)- Kooxda Arsenal ayaa guul dirqi ah ka gaadhay kooxda Everton kulan ka dhacay garoonka Goodison Park kana tirsanaa horyaalka premier League.
Kulanka ayaa ahaa mid adag iyada oo ay labada kooxoodba doonayeen in ay guul ka gaadhaan kulanka.
Arsenal ayaa maamulaysay ciyaarta waxana ay doonaysay in ay dhaliso goolal ay hogaanka ugu qabato ciyaarta.
Dhinaca kale Everton ayaa ciyaaraysay weeraro rogaal celis ah iyaga oo doonayay in ay dhaliyaan goolal.
Labada kooxood ayaa ku kala baxay bar-baro gool la’aan ah iyaga oo aan waxba kala dhalin.
Qaybta dambe ayaa ahayd mid xiiso leh iyada oo ay labada kooxood aad u dadaalayeen.
Arsenal ayaa daqiiqadii 69-aad dhalisay goolka 1-aad waxana u dhaliyay xiddiga Leondro Trossard kaas oo hogaanka u dhiibay kooxdiisa.
Waxa sidaas ku dhamaatay ciyaarta oo ay Arsenal guul dirqi ah ka gaadhay kooxda Everton soona afjartay guul la’aan ay ku lahaayeen garoonkaN