Dhuusamareeb (Radio Daar-Dheer)-Kooxda Barcelona ayaa guuldaro lama filaan ah kala kulantay kooxda Shakhtar kulan ka tirsanaa wareega Group-yada tartanka champions League.
Kooxda reer Ukriane ee Shakhtar ayaa ka yaabsatay kooxda Barcelona iyaga oo dusha u saaray guuldaradii ugu horaysay ee tartanka.
Kooxda Xavi ayaa ahayd kooxda ku fiican maamulista ciyaarta iyaga oo Ciyaarayay kubad baas-baas ah.
Shakhtar ayaa dhinaceeda ciyaaraysay weerar rogaal celis ah iyaga oo samaynayay fursado orod ah.
Daqiiqadii 40-aad ayay Shakhtar dhalisay goolka 1-aad waxana u dhaliyay xiddiga Danylo Sikan kaas oo ciyaarta ka dhigay 1/0.
Kooxda Barcelona ayaa samaysay fursado badan laakiin waxa ay ku hor dhibaatoodeen goolka hortiisa mana ayna awoodin in ay dhamaystiraan fursadaha.
Shakhtar ayaa dhinaceeda samaysay fursado badna waxana ay ahayd kuwo ka fursado badan laakiin Waxa ay luminayeen kubada markay goolka hor tagaan.
Waxa sidaas ku dhamaatay ciyaarta oo ay Barcelona guuldaro lama filaan ah kala kulantay Shakhtar iyada oo markii ugu horaysay laga badiyay kooxda tartanka champions League.