Dhuusamareeb (Radio Daar-Dheer)-Horyaalada Maxaliga ah ee yurub ayaa ku sii dhawaanaya bartamaha xilli ciyaareedka laakiin sidoo kale tartanka gooldhaliyaha ugu fiican sanadka 2023 ayaa ku dhaw in uu soo dhamaado.
Waxa 2 todobaad ka dhimantahay dhamaadka sanadka 2023 iyada oo xiddigo weeraryahan ah ku tartamayaan xiddiga ugu goolasha badan sanadka 2023.
Waxa jira 4 xiddig oo ku tartamaya rikoodhkaas waxana ka mid ah xiddiga Al-Nassr ee Cristiano Ronaldo kaas oo dhaliyay 50 gool 12-kii bilood ee la soo dhaafay.
Si kasta ha ahaatee xiddiga markii 8-aad ku guulaystay abaalmarinta Ballon d’Or sanadkan ee Lionel Messi ayaan ku jirin tartanka.
Xiddiga kooxda Man City ee Erling Haaland ayaa ku jira tartanka isaga oo fursad u haysta in uu dhaliyo goolal marka uu ka qayb galayo tartanka FIFA Club World Cup.
Xiddigaha Ronaldo iyo Haaland ayaa leh min 50 gool halka xiddigaha Kane iyo Mbappe leeyihiin min 49 gool taas oo si badali karta todobaadyada ka dhiman sanadka 2023.
Cristiano Ronaldo – 50 Gool
Erling Haaland – 50 Gool
Harry Kane – 49 Gool
Kylian Mbappe – 49 Gool