Dhuusamareeb (Radio Daar-Dheer)-Kooxda Middlesbrough ayaa garaacday chelsea kulan ka tirsanaa lugta 1-aad ee Semi-final-ka tartanka Carabao cup ee xilli ciyaareedka
Kulanka ayaa ahaa mid ay Middlesbrough soo bandhigtay qaab ciyaareed heer sare ah iyada oo chelsea ku hor dhibaatootay goolka hortiisa.
Chelsea ayaa maamulaysay ciyaarta laakiin Middlesbrough ayaa si fiican u difaacatay goolkeeda waxana ay qaadaysay weeraro rogaal celis ah.
Daqiiqadii 37-aad ayay Middlesbrough Dhalisay goolka 1-aad waxana u dhaliyay xiddiga Hayden Hackney kaas oo ciyaarta ka dhigay 1/0.
Chelsea ayaa arintaas kadib wax walba u samaysay sidii ay u dhalin lahayd goolka bar-baraha si ay ugu soo laabato ciyaarta.
Laakiin kooxda Middlesbrough ayaa si fiican u difaacatay goolkeeda waxana ay heleen fursado ay ciyaarta ku dili karaan.
Waxa sidaas ku dhamaatay ciyaarta oo ay Middlesbrough guul lama filaan ah ka gaadhay chelsea kulan ka tirsanaa lugta 1-aad ee semi-final-ka tartanka Carabao cup-ka.