Dhuusamareeb (Idaacadda Daar-Dheer)-Kooxda chelsea ayaa marti u noqon doonta kooxda Ac Milan kulan ka tirsan kulankii 4-aad ee wareega Group-yada tartanka champions League kulan ka dhici doona San Siro.Chelsea ayaa kulanka soo galaysa iyaga oo isha ku haya in ay gaadhaan guul ka caawisa in ay talaabo u qaadana wareega xiga e tartanka chamions League xilli ciyaareedkan.Dhinaca kale Ac Milan ayaa doonaysa in ay ka aarsato Chelsea isla markaas gaadho guusheedii 2-aad ee tartanka champions League xilli ciyaareedkan.
Kulanka: Ac Milan Vs Chelsea
Tartanka: Champions League
Wakhtiga: 10:00
Garoonka: San Siro
XAQIIQOOYINKA KULANKA:Ac Milan ayaa guul la’aan ah 5-tii kulan ee ay tartamada yurub kaga hor tagtay chelsea, tan ilaa markii ay badiyeen kulankii ugu horeeyay ee labada kooxood bishii February 1966.Chelsea ayaa kaliya 4 laad u ogolaatay in ay Ac Milan ku laagto goolkeeda kulankii lugta hore ee champions league waana laadkii ugu yaraa ee ay Blues wajahdo tartanka champions league.Ac Milan ayaa laga badiyay 4 ka mid ah 5-tii kulan ee ay la ciyaartay kooxaha premier League champions League iyada oo guusha kaliya ee ay ka gaadhay koox reer England ah tahay Arsenal bishii February 2012.Kulankii ugu dambeeyay ee ay chelsea booqatay koox reer Italy ah ayaa ahayd kooxda Lazio bishii November 2003, tan ilaa markaas Blues ayaa guul la’aan ah 7-dii kulan ee ay booqatay kooxaha reer Italy.