Dhuusamareeb (Radio Daar-Dheer)-Kooxda Man United ayaa guuldaro xanuun badan kala kulantay kooxda Brighton kulan ka dhacay Old Trafford kana tirsanaa premier League.
Kulanka ayaa ahaa mid Man United wax walba looga fiicnaa iyada oo dhinac sta looga awoodaa iyada oo Brighton si cajiib ah u ciyaartay.
Brighton ayaa daqiiqadii 5-aad dhalisay goolka 1-aad waxana u dhaliyay Yankuba Minteh kaas oo ciyaarta ka dhigay 1/0.
Kooxda Man United ayaa daqiiqadii 23-aad dhalisay goolka bar-baraha waxana gool u badalay rikoodhe loo dhigay xiddiga Bruno Fernandes.
Qaybta dambe ayay Brighton sii waday dadaalka iyaga oo samaynayay fursado an kala joogsi lahayn.
Daqiiqadii 60-aad ayay Brighton dhalisay goolka 2-aad waxana u dhaliyay xiddiga Kaoru Mitoma kaas oo ciyaarta ka dhigay 2/1.
Brighton ayaa daqiiqadii 76-aad dhalisay goolka 3-aad waxana u dhaliyay xiddiga Georginio Rutter kaas oo ka faa’iidaystay khalad u sameeyay Andre Onana.
Waxa sidaas ku dhamaatay ciyaarta oo ay Brighton Old Trafford ku garaacday Man United.