Dhuusamareeb (Idaacadda Daar-Dheer)-Kulanka ugu xiisaha badan Premier League ayaa toddobaadkan dhici doona, marka ay isku dhacaan kooxaha Liverpool iyo Chelsea, kulan ka dhici doona garoonka Stamford Bridge.
Liverpool ayaa doonaysa inay badiso kulankan si ay uga soo kabsato guuldarradii ay ka soo gaadhay Crystal Palace.
Dhinaca kale, Chelsea oo dhibaatoonaysa ayaa iyaduna rajaynaysa inay ku soo laabato wadadii guusha, kaddib markii ay guuldarro kala kulantay Brighton.
Faahfaahinta Kulanka:
- Kulanka: Chelsea vs Liverpool
- Tartanka: Premier League
- Waqtiga: 7:30 fiidnimo
- Garoonka: Stamford Bridge
Xaqqiiqooyinka Kulanka:
- Kadib guushii 3-1 ahayd ee ay gaareen bishii May, Chelsea waxay fursad u haysataa inay laba guul oo xiriir ah ka gaarto Liverpool horyaalka markii ugu horraysay tan iyo November 2014 (markaas oo ay saddex kulan oo xiriir ah badiyeen).
- Liverpool kama aysan guuleysan afartii kulan ee ugu dambeeyay ee Premier League ee ay ku ciyaareen Stamford Bridge (barbardhac 3, guuldarro 1), waxayna halis ugu jiraan in laga badiyo laba xilli ciyaareed oo xiriir ah garoonka Chelsea markii ugu horraysay tan iyo intii u dhaxaysay 2004–05 ilaa 2006–07, markaas oo laga badiyay saddex jeer oo xiriir ah.
- Chelsea ayaa laga badiyay afar ka mid ah shantii kulan ee ugu dambaysay ee Premier League ee ay garoonkooda ku wajahday kooxaha horyaalka difaacaya (barbardhac 1, guuldarro 4), inkasta oo aysan guuldarrayn hal kulan oo Stamford Bridge ka dhacay intii u dhaxaysay xilli ciyaareedyadii 2002–03 ilaa 2019–20 (guul 7, barbardhac 6).