Dhuusamareeb (Idaacadda Daar-Dheer)-Kooxda kubadda cagta Arsenal ayaa dib ula wareegtay hoggaanka horyaalka Premier League kaddib guul cidhiidhi ah oo ay kasoo gaadhay Chelsea oo ay 1-0 kaga soo badiyeen iyaga oo ku booqday Stamford Bridge.Gool madi ah oo uu dahliyey difaaca reer Brazil ee Gabriel Magalhaes ayaa Arsenal siiyey guushan muhiimka ah oo ay Man City kagala wareegeen hoggaanka horyaalka Premier League oo ay shalay si ku-meelgaadh ah ula sii wareegtay.Thiago Silva ayaa sameeyey qalad xun oo la degay kooxdiisa daqiiqaddii 60aad, waxaana kubbad uu dhiibi karayay uu damcay inuu jiito oo uu hore ula socdo, hase yeeshee waxa ka daba yimid Gabriel Jesus oo ka qaatay waxaase ka badbaadiyey goolhaye Mendy oo koorne u saaray.Arsenal 1-0 Chelsea!!!!! Arsenal ayaa hoggaanka ciyaarta la wareegtay, waxaana kubbad dersin difaacyahannada Chelsea ah kasoo dhax baxday shabaqa ku leexiyey Gabriel. Koorne uu soo laaday Bukayo Saka ayaa waxa la kulmay Gabriel oo hoggaanka ugu dhiibay kooxdiisa.Goolkan ayaa noqday midka shimbirka u noqday Arsenal ee siiyey guushan muhiimka ah ee ay dib ugula soo noqdeen hoggaanka horyaalka Premier League.Gunners ayaa ku doodday in rikoodhe loo dhigo dhamaadka ciyaarta oo ay waxyar ka hadhsan yihiin, kaddib markii ay kubaddu gacanta kaga dhacday Marc Cucurella, waxaana laga soo hubiyey VAR oo xaqiijisay in uu laacibkani dibedda uga baxsanaa xerada ganaaxa, sidaas darteedna looma dhigin rikoodhaha ay dalbadeen.Ciyaarta ayaa kusoo dhamaatay 1-0 ay guushu ku raacday Arsenal oo yeelatay 34 dhibcood, waxaanay laba dhibcood dhaaftay Manchester City oo u dhacday kaalinta labaad oo haysata 32 dhibcood. Chelsea ayaa iyaduna waxay fadhidaa kaalinta toddobaad iyadoo haysata 21 dhibcood.