Dhuusamareeb (Idaacadda Daar-Dheer)-Guddoomiye ku-xigeenka degmada Cadaado ayaa ugu baaqay shacabka ku nool deegaanka Tuulo-Sarmaan in ay ka shaqeeyaan ilaalinta nabadda iyo xasilloonida deegaanka. Baaqan ayaa yimid xilli maamulka degmada uu dadaal ugu jiro kobcinta wadajirka bulshada iyo horumarinta adeegyada aas-aasiga ah.
Guddoomiye ku-xigeenka ayaa carrabka ku adkeeyay in nabaddu tahay furaha horumarka, isagoo ku dhiirrigeliyay bulshada in ay iska kaashadaan xallinta khilaafaadka iyo taageeridda dadaallad nabada.
Warkan waxaa soo jeedinaya:Liban Mohamed Abdi.