Dhuusamareeb (Idaacadda Daar-Dheer)-Jamhuuriyadda Shacabka Shiinaha ayaa soosaartay amar ka dhan ah Dadka aan waxbaran ee falanqeeya Dhaqaalaha, Caafimaadka & Mowduucyada Bulshada Muhiimka Ah, waxa ay Xukuumadda Beijing sheegtay in dadkaas laga qaadayo ganaax lacageed oo dhan $14,000
Shiinaha ayaa dadka caanka ah ee Bulshada ku dayato ku xirtay in ay Shahaado ka haystaan waxyaabaha ay falanqeynayaan isla markaana, haddii taasi ay dhici wayso waxaa lagu ganaaxi doonnaa lacag sida hadalka loo dhigay.
Tallaabadaan waxa ay sidoo kale meel adag ku xiraysaa dadka ka ganacsada Online-ka ee leh hal abuurka Ganacsi balse aanay haysan Shahaadada Waxbarashada maadaama Dowladda Shiinaha ay lacag adag ku ganaaxayso.
Shiinaha waxa uu kamid yahay Dalalka horumarka ka sameeyay dhinaca Teknoolajiyadda, Dadka Dalkaas waxa ay fursado badan ka helaan suuqyada Online-ka oo lacago badan ka sameeyaan sida xogaha muujinayaan.