Dhuusamareeb (Idaacadda Daar-Dheer)Tababarka Cristiano Ronaldo ee Real Madrid ayaa la yaab ku noqday dad badan oo kooxda ah, sida laga soo xigtay Marca.
Si kastaba ha ahaatee, Goal Italia ayaa sheegtay in Real Madrid aysan diyaar u ahayn inay dib ula soo wareegto xiddiag reer Portugal.
Sida laga soo xigtay ilo wareedyo ku dhaw kooxda, Los Blancos ayaa doorbidaysa in ay kalsoonida siiso xiddigaha Vinicius, Karim Benzema iyo Rodrygo inta ka dhiman xilli ciyaareedka.
Sida laga soo xigtay Diario AS, madaxweyne Florentino Perez ayaa si toos ah ula hadlay Cristiano laakiin ma jirto ku biirista kooxda oo ay ka wadahadaleen.
Wadahadalka Perez iyo Ronaldo ayaa kaliya ahayd in uu ku soo dhaweeyo in uu xiddigu la tababarto kooxda inta uu doonayo ka hor suuqa January maadama uu haatan bilaa koox yahay.
Ronaldo ayaa bilaa koox ah kadib markii ay Man United kansashay heshiiska xiddiga sabab la xidhiidha waraysi muran badan dhaliyay oo uu bixiyay.
Cristiano ayaa Real Madrid ku qaatay muddo 9 sano ah waxana uu kula guulaystay 4 champions league halka uu dhaliyay 450 gool sidaasna ku ah xiddiga ugu goolasha badan taariikhda kooxda.