Dhuusamareeb(Radio Daar-Dheer)-Horyaalka La Liga ayaa si rasmi ah u shaaciyay in Ronald Araujo uu ganaax ku seegi doono kulanka soo socda ee Barcelona kadib casaankii uu qaatay kulankii Valencia ee Axadii.
Warka fiican ayaa ah in daafaca kaliya hal kulan ganaax ku seegi doono kaas oo ah kulanka Bilbao axada.
Daafaca reer Uruguay ayaa ku soo laaban doona El Clasico 19ka March.
Araujo ayaa si fiican u ciyaaray xilli ciyaareedkan isaga oo Barcelona ka caawiyay in ay shabaqooda ilaashtaan 10 kulan oo ka mid ah 13 kulan oo uu ciyaaray.
Laacibka reer Uruguay ayaa sacab badan kala kulmay jamaahiirta Camp Nou markii uu garoonka ka baxay kadib casaankii uu qaatay kulankii Valencia.