Dhuusamareeb (Idaacadda Daar-Dheer)-Barcelona ayaa isha ku haysa in ay dib ula soo saxiixato xiddiga kooxda chelsea ee Pierre-Emerick Aubameyang xagaaga sida ay sheegayaan wararku.
Aubameyang ayaa ka tagay Barca maalintii ugu dambeysay suuqa kala iibsiga ee August ee lasoo dhaafay, waxaana uu ku biiray Blues ka dib heshiis 10 milyan ah oo uu ugu biiray Stamford Bridge.
Si kasta ha ahaatee weeraryahanka ayaa markiiba ka baxay qorshaha kooxda chelsea isaga oo aan u ciyaarin kooxda Graham Potter.
Sida laga soo xigtay Mundo Deportivo, Barcelona ayaa doonaysa in ay dib ula wareegto xiddiga 33 jirka ah hadii ay chelsea diyaar u tahay in ay qaab bilaash ah ku fasaxdo xiddiga.
Aubameyang ayaa la arkay isaga oo qolka Labiska Barcelona kula dabaal dagaya kooxdiisii hore kulankii El Clasico ee ay Barcelona garaacday Real Madrid Axadii.