Dhuusamareeb(Idaacadda Daar-Dheer)-Kooxda Real Madrid ayaa ku guulaystay Koobka UEFA Super Cup kulan ay garaaceen kooxda reer Germany ee Eintracht Frankfurt kulan dhinac kaliya ahaa.Kulanka ayaa ku bilowday si dar-dar leh iyada oo Real Madrid maamulaysay ciyaarta xilli ay Kooxda Eintracht Frankfurt qaadaysay weeraro rogaal celis ah.Kooxda Real Madrid ayaa daqiiqadii 37-aad dhalisay goolka 1-aad ee ciyaarta waxana u dhaliyay xiddiga David Alaba kaas oo hogaanka u dhiibay kooxdiisa ciyaartana ka dhigay 1/0.Daqiiqadii 65-aad ayay Real Madrid dhalisay goolka 2-aad ee ciyaarta waxana u dhaliyay kabtankooda Karim Benzema kaas oo hogaanka u dheereeyay kooxdisa ciyaartana ka dhigay 2/0.Waxa sidaas ku dhamaatay ciyaarta oo ay Real Madrid markii 5-aad ee taariikhdooda ku guulaystay koobka UEFA Super Cup.