Dhuusamareeb(Radio Daar-Dheer)-Kooxda Ac Milan ayaa xaalka ku xumaysay kooxda Juventus iyada oo dhabarka u saartay guuldaradii 2-aad ee xilli ciyaareedkan Serie A-da.Ac Milan ayaa ahayd kooxda ku fiican dhinaca fursadaha laakiin Juventus ayaa ciyaarta maamulaysay oo kubada in badan haysatay.Daqiiqadii 45+1-aad ayay Ac Milan dhalisay goolka 1-aad ee ciyaarta waxana u dhaliyay xiddiga Fikayo Tomori kaas oo hogaanka u dhiibay kooxdiisa.Waxa sidaas ku dhamaatay qaybta hore ee ciyaarta oo ay Ac Milan ahayd kooxda fiican waliba raadinaysay goolal xilli ay Juventus kaliya ku fiicnayd maamulista ciyaarta.Qaybta dambe ayay Ac Milan si dar-dar leh ku bilaabatay ciyaarta iyaga oo doonayay in ay dhaliyaan goolal ay ciyaarta ku dheeraystaan hogaankeeda.Daqiiqadii 54-aad ayay Ac Milan dhalisay goolka 2-aad waxana u dhaliyay xiddiga Brahim Diaz kaas oo hogaanka u dheereeyay kooxdiisa ciyaartana ka dhigay 2/0.Waxa sidaas ku dhamaatay ciyaarta oo ay Ac Milan gaadhay guul ay u qalantay isla markaas xaalka ku xumaysay kooxda JuventusÂ