Dhuusamareeb (Radio Daar-Dheer)- Kooxda Bayern Munich ayaa lagu soo waramayaa in ay dalab waali ah oo ku kacaya 95 milyan oo euro ka gudbisay saxiixa xiddiga khadka dhexe ee kooxda West Ham ee Decland Rice.
Waxa ay u muuqataa in uu tartan adag durba ka bilowday suuqa kala iibsiga iyada oo Bayern Munich doonayso in ay saxiixa Rice ku garaacdo kooxda Arsenal.
Wargayska Mirro ayaa sheegaya in uu Tuchel haatanba xidhiidh la sameeyay xiddiga Rice si uu ugu qanciyo in uu yimaado Bayern Munich suuqa kala iibsiga xagaaga.
Rice ayaa si cad uga hadlay rabitaankiisa ah in uu ka ciyaaro Champions League, Bayern ayaana horyaalka Bundesliga ku guulaystay markii 11-aad oo xidhiidh ah waxana ay u soo bexeen champions League.
Kooxda West Ham ayaa la rumaysanyahay in ay Rice ku qiimayso lacag ka badan mida ay Bayern Munich diyaarka la tahay waxana ay isku diyaarinayaan in ay diidaan dalabkaas.
Rice ayaa la filayaa in uu todobaadka dambe ku war galiyo maamulka kooxda West Ham in uu doonayo in uu isaga tago kooxda suuqa xagaaga si uu ugu biiro koox ka ciyaarta tartanka champions League.
Arsenal ayaa Rice ka dhigatay bartilmaameedkooda 1-aad ee suuqa xagaaga laakiin waxa ay haatan halis ugu jirtaa in ay lumiso tartanka saxiixa hadii ay Bayern Munich sii wado dadaalka ay ku doonayaan xiddiga.