Dhuusamareeb(Idaacadda Daar-Dheer)-Kooxda Arsenal ayaa sii wada wacadarihii ay ka dhigaysay horyaalka premier League kadib markii ay gaadhay guusheedii 3-aad oo xidhiidh ah kadib markii ay garaaceen kooxda Bournemouth.Arsenal ayaa kulanka bilow ilaa dhamaad maamulaysay iyaga oo ka awood badnaa kooxda Bournemouth kuwaas oo ku dhibaatooday in ay iska caabiyaan Arsenal.Daqiiqadii 5-aad ayay Arsenal dhalisay goolka 1-aad ee ciyaarta waxana u dhaliyay kabtanka Martin Odegaard kaas oo hogaanka u dhiibay kooxdiisa ciyaartana ka dhigay 1/0.Wiilasha Arteta ayaan halkaas ku joogsan waxana ay sii wadeen cadaadiska ay ku hayaan kooxda Bournemouth kuwaas oo aad mooday in ay garoonka daawasho u soo galeen.Arsenal ayaa daqiiqadii 11-aad sii dheeraystay hogaanka ciyaarta waxana goolka u dhaliyay xiddiga Martin Odegaard kaas oo dhaliyay goolkiisii 2-aad ee kulanka.Daqiiqadii 54-aad ayay Arsenal hurdo u dirtay ciyaarta waxana goolka u dhaliyay daafaca William Saliba kaas oo ciyaarta ka dhigay 3/0 ay Arsenal ku hogaaminayso.Waxa sidaas ku dhamaatay ciyaarta oo ay Arsenal gaadhay guusheedii 3-aad oo xidhiidh ah horyaalka premier League isla markaas sii waday wacadaraha iyo guulaha.
