Dhuusamareeb(Radio Daar-Dheer)-Ka dib ciyaar xaraarad laheyd , Arsenal ayaa waqtigii dheeriga ciyaarta waxa ay guul ka gaareen United xilli wiilasha Arteta bandhig wacan ay sameeyeen , waxaana Arsenal caawiyay in ay lahaayeen go`aan rabitaan guul ah .
: labada koox ayaa ku biloowday ciyaar deg degsiimo leh ,mana aheyn biloow taxadar iyo kala baqid ah xilli Arsenal durba dagaal ugu jireen in gool waqti hore ah helaan , waxaana lagu nastay bar bar dhac min hal gool ah iyadoo goolka United ay ku horeysay
United si ayay baxsad u ahaayeen waa ayna diidanaayeen in Arsenal kubadda si sahal ah ku dhisaan , waxa ayna ka faa`ideysteen qalad dhanka baaska oo wiilasha Arteta ka dhacay waxaana gantaal meel fog uu ka toogtay waxa uu Rashford ku hubsaday shabaqa Arsenal daqiiqadii 17-aad waxaana ka shaqeeyay Bruna Fernandez .
Sidaas oo ay tahay wiilasha Arteta cadaadis ayay sameeynayeen , waxa ayna United ku dhiseen kubad qurxoon oo ugu dambeyn goolka bar bar dhaca ay ku heleen daqiiqadii 24-aad waxaana si cajiib ah madaxa ugu dhaliyay Nketiah ka dib kubad uu ka soo shaqeeyay Xhaka
United isma dhiibin kubadana waa ay gaarsiinayeen aagga goosha Arsenal ilaa ay heleen gool qaladkiisa uu lahaa goolhayaha Gunners kaasi oo qalad aan laga cafin doonin ku galay kubad koorno ka timid oo banaanka ayuu u soo baxay waa ayna kabaxsatay kubadda waxaana shabaqa madax ku dhigay Martinez daqiiqadii 59-aad
Ka dib dhacadaas , Arsenal cadaadiska waa ku fiicnaayeen iyo in kubadda maamulkeeda ku badnaadaan balse United wax aay ahaayeen kuwo foojigan xilli Saka gool cajiib noqon lahaa ay kaga dhacday birta daqiiqadii 69-aad
United wiilkooda Rashfiord waa dadaalayay balse nasiibka ayaa ka maqnaa xilli Arsenal dhamaadkii ay ciqaabeen wiilasha Ten Hag oo si sahal ah ayay kubadda u gaarsiinayeen goosha De Gea kaliya waxaa ka maqnaa go`aaminta .
Daqiiqadii 83-aad gool xaqiiq ahaa ayuu De Gea ka bad baadiyay gooshiisa xilli taageerayaasha Arsenal dabaal deg aadeen balse waa laga filan karay marka la eego cadaadiska aan kala joogsi laheyn .
Waqtigii dheeriga gool ayay heleen ka dib kubad si cajiib ah loo soo bandhigay waxaana dhaliyay Nketiah , shaki ayaa jiray balse VAR ayaa go`aamisay , waxa ayna ciyaarta ku dhamatay 3/2, waxa ayna aheyd guul ay u qalmeen