Dhuusamareeb (Radio Daar-Dheer):-Kooxda Aston Villa ayaa garaacday Arsenal kulan ka dhacay Villa Park kana tirsanaa horyaalka premier League.
Daqiiqadii 7-aad ayay Aston Villa dhalisay goolka 1-aad waxana u dhaliyay xiddiga John McGinn kaas oo ciyaarta hogaankeeda u dhiibay Villa.
Kooxda Arsenal ayaa wax walba u samaysay sidii ay u dhalin lahayd gool laakiin Aston Villa ayaa si cajiib ah u difaacatay.
Aston Villa ayaa marar badan ku dhawaatay in ay Arsenal ka dhaliso goolal kale laakiin fursadaha ayayna dhamaystirin.
Arsenal ayaa daqiiqadihii ugu dambeeyay ee ciyaarta dhalisay gool waxana u dhaliyay Kai Havertz laakiin goolkaas ayaa la diiday sabab la xidhiidha gacan uu ku taabtay kubada.
Waxa sidaas ku dhamaatay ciyaarta oo ay Aston Villa Hadiyad u dirtay Liverpool isla markaas ka reebtay Arsenal tartanka hogaanka premier League.