Dhuusamareeb (Idaacadda Daar-Dheer)-Kooxda Barcelona ayaa garaacday 10 xiddig ee Real Socciedad ah iyaga oo iska xaadriyay wareega Semi-final-ka tartanka Copa del Rey-ga.
Kulanka ayaa ahaa mid cajiib ah iyada oo laabda kooxood soo bandhigeen qaab ciyaareed weerar iyo weerar celis ah.
Labada kooxood ayaa sameeyay fursado kala duwan oo ay goolal ku dhalin karana isla markaas ciyaarta hogaanka ugu qaban karaan.
Kooxda Real Sociedad ayaa daqiiqadii 40-aad kaadhka cas ee tooska ah looga taagay xiddiga Brais Mendez kaas oo kooxdiisa kaga tagay 10 xiddig.
Arintaas ayaa keentay in ay Barcelona cadaadis saarto kooxda Real Sociedad isla markaas ka faa’iidaysato farqiga isla markaas hogaanka u qabtaan ciyaarta.
Qaybta hore ee ciyaarta yaaa ku dhamaatay bar-baro gool la’aan ah iyada oo ayna labada kooxood wax goolal ah kala dhalin.
Barcelona ayaa si dar-dar leh ku bilaabatay qaybta dambe ee ciyaarta iyaga oo doonayay in ay dhaliyaan goolal ay ciyaarta hogaanka ugu qabtaan.
Xiddiga Ousmane Dembele ayaa hogaanka u dhiibay kooxdiisa kana dhigay 1/0 ay Barcelona ku hogaaminayso ciyaarta isla markaas dhalisay goolka furitaanka.
Kooxda Real Socciedad ayaa isku dayday in ay dhaliso goolka bar-baraha waxana ay soo bandhigeen qaab ciyaareed weerar ah waxana ay sameeyeen fursado cajiib ah.
Laakiin nasiibka ayaa u diiday in ay dhaliyaan goolka bar-baraha inkasta oo ay sameeyeen fursado badan.
Barcelona ayaa dhinaceeda samaysay fursado ay ku doonaysay goolal ay ciyaarta ku disho laakiin laftoodu ma dhalin goolal.
Waxa sidaas ku dhamaatay ciyaarta oo ay Barcelona iska xaadirisay Semi-final-ka Tartanka Copa del Rey-ga.