Dhuusamareeb (Idaacadda Daar-Dheer)-Kooxda Bayern Munich ayaa gaadhay guusheedii 6-aad ee wareega Group-yada champions League iyaga oo garaacay kooxda Inter Milan kulan dhinac kaliya ahaa.Bayern Munich ayaa ahayd kooxda fiican xilli ay wax walba ka samaysay ciyaarta iyaga oo ka awood badnaa Inter Milan oo aan halis badan ku samayn daafaca Bayern.Tababaraha Bayern ayaa ku soo galay shaxdiisa ugu adag isaga oo aad mooday in uu doonayay in uu guushii 6-aad ka gaadho champions Legaue.Daqiiqadii 32-aad ayay Bayern Dhalisay goolka 1-aad waxana u dhaliyay xiddiga Benjamin Pavard kaas oo ciyaarta ka dhigay 1/0 ay Bayern ku hogaaminayso ciyaarta.Waxa sidaas ku dhamaatay qaybta hore ee ciyaarta oo ay Bayern Munich wax walba ku fiicantahay.Xiddiga Eric Maxim Choupo-Moting ayaa dhaliyay goolka 2-aad ee kooxdiisa waxana uu ciyaarta ka dhigay 2/0 ay Bayern Munich ku hogaaminayso.Waxa sidaas ku dhamaatay ciyaarta oo ay Bayern gaadhay guusheedii 6-aad ee wareega Group-yada tartanka champions League.Dhinaca kale Barcelona ayaa guul ku macasalaamaysay champions league kadib markii ay 4/2 kaga badiyeen kooxda Victoria Plzen