Dhuusamareeb (Radio Daar-Dheer):-Kooxda Bayern Munich ayaa garoonka Old Trafford ku xasuuqday kooxda martida loo ahaa ee Manchester United.
Qeybtii hore ee ciyaarta ayaa ku bilaabatay si taxadar leh, waxaana daqiiqadihii ugu horeeyay ay dhaafeen halis la’aan, Harry Kane ayaa halistiisa koowaad la yimid darbo uu ku tuuray cidhifka xerada ganaaxa, isagoo kubad dabamariyay goolhaye Onana daqiiqadii 11-aad.
Daqiiqadii 71-aad ayuu Coman ku guuleystay inuu dhaliyo goolka 1-aad ee ciyaarta ka dib markii uu ka faa’ideystay baas cajiib ah oo uu ka helay Harry Kane.
Ten Hag ayaa sameeyay is badalo si uu ciyaarta wax uga badalo laakiin wax saamayn ah kumay yeelan ciyaarta.
Natiijadan, Bayern Munich ayaa ku dhamaystay kaalinta 1-aad ee Group-ka iyaga oo leh 16 dhibcod halka ay Man United si guud uga hadhay dhamaan tartamada yurub inta ka dhiman xilli ciyaareedkan.
Dhinaca kale Real Madrid ayaa guul 3/2 ah ka gaadhay Union Berlin waxana ay guul ku soo xidheen wareega Group-yada tartanka champions League.