Dhuusamareeb (Idaacadda Daar-Dheer)-Brentford ayaa guuldarro xanuun badan soo baday Manchester City oo ay ku booqatay garoonka Etihad, kaddib markii ay kaga soo adkaatay 1-2, ciyaar qeyb ka ahayd kulammada toddobaadkan ee horyaalka Premier League.Qeybta hore ee ciyarta ayeey labada kooxood Manchester City iyo Brentford ku kala nasteen barbardhac 1-1 ah.Daqiiqadii 16-aad kooxda Brentford ayaa hoggaanka u qabatay ciyaarta kaddib markii uu 0-1 ka dhigay Ivan Toney.45 + 1 daqiiqo marka ay dheesha mareysay Manchester City ayaa dhalisay goolka barbardhaca kaddib markii uu 1-1 ka dhigay Phil Foden oo caawin ka helay saaxiibkiis Manuel Akanji.Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.Daqiiqadii 90 + 8-aad kooxda martida ahayd ee Brentford ayaa markale hoggaanka u qabatay dheesha waxaana 1-2 Ivan Toney, kaddib markii uu ka caawiyay Josh Dasilva.Ugu dambeyntii ciyaarta ayaa ku dhammaatay 1-2 ay kaga soo adkaatay Brentford, kooxda Manchester City oo ay ku booqatay garoonka Etihad.