Dhuusamareeb(Idaacadda Daar-Dheer)-Kooxda Brighton ayaa beenisay in ay chelsea kala heshiisay saxiixa daafaca Bidix ee Marc Cucurella kadib markii ay saacadihii ugu dambeeyay soo bexeen in ay Blues iyo Brighton ka heshiiyeen saxiixa daafaca.
Wararka soo baxayay saacadihii ugu dambeeyay ayaa sheegay in ay chelsea dhigeeda Brighton kala heshiisay saxiixa daafaca Bidix ee Marc Cucurella.
Chelsea ayaa Brighton wadahadalo kula jirtay 24-kii saac ee la soo dhaafay si ay ugala heshiiso saxiixa xiddia reer Spain ee Marc Cucurella.
Saxafiga Fabrizio Romano ayaa saacado ka hor sheegay in ay chelsea iyo Brighton ka heshiiyeen saxiixa xiddiga Marc Cucurella iyada oo Blues ka bixinayso xiddiga 52 milyan oo euro.
Laakiin Brighton ayaa haatan beenisay wararkaas iyada oo sheegtay in ayna jirin koox ay kala heshiisay saxiixa xiddiga daafaca uga ciyaara ee Marc Cucurella.