Dhuusamareeb (Idaacadda Daar-Dheer)-Waxaa Maalintii labaad si habsimi leh uga socda magaalada Cadaado ee gobolka Galgaduud Doorashada Golaha Degaanka oo maraya heer gabo gabo ah waxaana maantay La qabtay doorashada kuraasta 6 Xubnood oo Kamid noqonaya xildhibaannada Golaha Deegaanka Degmada cadaado.
munaasabada doorashada ayaa waxaa ka qayb galay Wasiirka Wasaaradda arrimaha Gudaha Galmudug mudane Cabdi Maxamed (Cabdi waayeel), Wasiir Dowlaha Wasaarada Amniga Galmudug, Agaasimaga guud ee wasaaradda arrimaha Gudaha, maamulka Degmada, Taliyaha Booliska Galmudug Xubno ka socday hay’adaha FCA, EISA iyo Marti sharaf kale.
Ugu dambayn Wasiirka Wasaaradda arrimaha Gudaha Galmudug ayaa hambalyo u diray xubnaha Cusub ee Maantay la doortay kana mid noqonaya Golaha Deegaanka Degmada Cadaado.
Warbixintaan waxaa inoo soo jeedinaysa-Xamdi Diiriye Cali