Dhuusamareeb(Idaacadda Daar-Dheer)-Kooxda Man United ayaa xaqiijisay in ay dhamaystirtay saxiixa xiddiga khadka dhexe ee Casemiro kaas oo ay saxiixiisa si buuxda ugaal wareegtay kooxda Real Madrid.Xiddiga 30 jirka ah ayaa qalinka ku duugi doona heshiis 4 sano ah iyo waliba hal sano oo dheeraad ah oo uu ku joogi doono Old Trafford.Saxiixa Casemiro ayaa ah saxiixii 4-aad ee ay samayso kooxda Man United inta lagu jiro suuqa kala iibsiga xagaagan.Xiddigaha Malasia, Eriksen iyo Martinez ayaa Casemiro kaga soo horeeyay kooxda Man United suuqa kala iibsiga xagaagan.