Dhuusamareeb (Radio Daar-Dheer)-Kooxda Real Madrid ayaa ku guulaystay horyaalka La Liga ee xilli ciyaareedkan kadib markii ay ka badiyeen Cadiz isla markaas Barcelona guuldaro kala kulantay Giron.
Real Madrid ayaa 3/0 kaga badisay Cadiz kulan ka tirsanaa todobaadkii 34-aad ee horyaalka La Liga kana dhacay garoonkeeda Bernabue.
Barcelona ayaa dhinaca kale guuldaro 2/4 ah kala kulantay kooxda Girona kulan horyaalka La Liga.
Kadib natiijadan Real Madrid ayaa markii 36-aad ee taariikhdooda ku guulaystay horyaalka La Liga.
Dhinaca kale kooxda Barcelona ayaa ku jirta kaalinta 3-aad ee kala saraynta horyaalka iyaga oo leh 73 dhibcood.