Dhuusamareeb(Idaacadda Daar-Dheer)Kooxda chelsea ayaa isha ku haysa
saxiixa xiddiga daafaca kooxda Inter Mialn ee Denzel Dumfries ka dib markii ay
waday saxiixa xiddiga Jules Kounde oo ka doortay Barcelona sida laga soo xigtay
Evening Standard.
Kooxda ka ciyaarta Serie A ee Inter ayaa baahi weyn u qabta in ay iibiso mid ka
mid ah xiddigaha kooxdeeda xagaagan sabab la xidhiidha xaalad dhaqaale xumo.
Blues ayaana xiiso u qabta saxiixa xiddiga Dumfries iyaga oo doonaya in ay ka
faa’iidaystaan xaalada Inter Milan.
Kooxda Thomas Tuchel ayaa lumisay bartilmaameedkooda 1-aad ee Kounde kaas
oo ku biiraya kooxda Barcelona iskana diiday kooxda chelsea.
Dumfries ayaa qaab ciyaareed fiican soo bandhigay xilli ciyaareedkii hore isaga oo
ciyaaray 33 kulan tartamada oo dhan isla markaas dhaliyay 9 gool.