Dhuusamareeb (Idaacadda Daar-Dheer)-Kooxda Chelsea ayaa garaacday Man United kulan ka dhacay Stamford Birdage kana tirsanaa horyaalka premier League.
Kulanka ayaa ahaa mid xiiso leh oo ay labada kooxoodba si cajiib ah u ciyaareen kulanka.
Daqiiqadii 4-aad ayay Chelsea dhalisay goolka 1-aad waxana u dhaliyay xiddiga Conor Gallager kaas oo ciyaarta ka dhigay 1/0 ay chelsea ku hogaaminayso.
Blues ayaan halkaas ku joogsan waxana daqiiqadii 19-aad loo dhigay rikoodhe uu gool u badalay xiddiga Cole Palmer kaas oo ciyaarta ka dhigay 2/0.
Man United ayaa bilowday in ay ciyaarta ku soo laabato iyaga oo samaynayay fursado aan kala joogsi lahayn.
Daqiiqadii 34-aad ayay United dhalisay goolka 1-aad waxana u dhaliyay xiddiga Alejandro Garnacho kaas oo ciyaarta ka dhigay 2/1.
Kooxda Red Devils ayaa sii waday dadaalka iyaga oo doonayay in ay ciyaarta ku soo laabtaan.
Daqiiqadii 67-ad ayay Man United dhalisay goolka 2-aad waxana u dhaliyay xiddiga Bruno Fernandes kaas oo ciyaarta ka dhigay 2/2.
Man United ayaa ciyaarta dhinaca kale u rogtay kadib markii uu xiddiga Alejandro Garnacho dhaliyay goolka 3-aad ee kooxdiisa isaga oo ciyaarta ka dhigay 3/2.
Kooxda Chelsea ayaa sii waday dadaalada ay ku doonayso goolal waxana goolka 3-aad u dhaliyay xiddiga Cole Palmer kaas oo ciyaarta ka dhigay 3/3.
Xiddiga Palmer ayaa daqiiqadii 90+11-aad dhaliyay goolka 4-aad waxana uu ciyaarta ka dhigay 4/3.
Waxana sidaas ku dhamaatay ciyaarta oo ay Chelsea guul waali ah ka gaadhay kooxda Man United.