Dhuusamareeb (Radio Daar-Dheer):–Fabrizio Romano ayaa sheegay in maamulka Chelsea ay dalab cusub u soo bandhigeen xiddigooda reer France ee N’Golo Kante si uu qalinka kugu duugo heshiis cusub oo wakhti fog ah.
Xiddiga N’Golo Kante oo 31 jir ah ayaa loo arkaa mid ka mid ah ciyaartoyda ugu caansan Chelsea tan iyo markii uu xagaagii 2016 uga soo wareegay kooxda Leicester City.
Heshiiska xiddiga reer France ee chelsea ayaa dhacaa xagaaga dambe kooxdiisa ayaana doonaysa in ay sii haysato xiddiga halkii uu ay qaab xor ah ku waayi lahaayeen.
N’Golo Kante ayaa ugu danbayn garoomada dib ugu soo laabtay kadib markii uu muddo dheer uga maqnaa taas oo u diiday in uu ciyaaro koobkii adduunka.
N’Golo Kante ayaa kulan saaxiibtinimo la qaatay kooxda da’yarta kooxda si uu u soo ceshado taam ahaanshihiisa jir ahaaneed ee isku diyaarinta ka qayb qaadashada kooxda koowaad.
Fabrizio Romano ayaa sheegaya in ay kooxda chelsea wadahadalo kula jirto Kante iyaga oo dalab Rasmi ah u soo bandhigay xiddiga si uu u sii joogo kooxda.