Dhuusamareeb (Idaacadda Daar-Dheer)-Kooxda Chelsea ayaa ku guuleysatay Koobka Adduunka ee Naadiyada 2025, kaddib markii ay si cad oo hufan 3–0 ugu garaacday Paris Saint-Germain ciyaartii kama dambaysta ahayd oo ka dhacday garoonka MetLife Stadium, New Jersey.
Xiddiga da’da yar ee reer England, Cole Palmer, ayaa hoggaanka u dhiibay Blues isagoo dhaliyay labo gool daqiiqadihii 22-aad iyo 30-aad, isagoo muujiyay farsamo sare iyo xasillooni cajiib ah.
Waxa uu sidoo kale caawiye ka noqday goolkii saddexaad oo uu dhaliyay João Pedro dhammaadkii qeybta hore, kaasi oo si qurux badan kubadda uga dulqaaday goolhayaha PSG, Gianluigi Donnarumma.
Chelsea oo uu hoggaaminayo Enzo Maresca ayaa soo bandhigtay ciyaar xeeladaysan oo ku dhisan difaac adag iyo weerarro degdeg ah. Goolhayaha kooxda, Robert Sánchez, ayaa sameeyay badbaadino muhiim ah si uu u ilaaliyo shabaqa nadiifta ah ee kooxdiisa.