Dhuusamareeb (Idaacadda Daar-Dheer)-Dhaawacyada Liverpool waxay noqdeen tusbax furtay, waxaana ku biiray Darwin Nunez oo waqtiga uu u haysto inuu taam ugu noqdo ciyaarta Brighton ee Sabtidu uu aad u yar yahay, isaga oo noqday weerarkii afraad ee ka dhaawacan Liverpool.
Darwin Nunez oo goolkiisii tobnaad ee Liverpool dhaliyey ciyaartii Wolves ee FA Cup ayaa seegay tababarradii dhawrkii maalmood ee ugu dambeeyey, waxaanay dhakhaatiirta kooxdiisu ku dedaalayaan sidii uu diyar ugu noqon lahaa kulanka Brighton.
Hadddii uu Darwin Nunez ka maqnaado ciyaartan, waxa uu liiska dhaawacyada kula biiri doonaa Diogo Jota, Luis Diaz iyo Roberto Firmino iyadoo uu tababare Klopp xaqiijiyey in uu weeraryahanka reer Brazil ee Firmino uu mar kale dhaawac soo gaadhay isaga oo aan kasoo kabannin dhaawacii hore.
Jurgen Klopp oo ka hadlay dhaawaca Nunez ayaa yidhi: “Waxa aanu sugaynaa macluumaad buuxa. Ma ahayn dhaawac weyn laakiin aniga ayaa tababarka ka saaray, sidaa daraadeed waanu sugaynaa.”
Xiddigaha kale ee ka dhaawacan Liverpool ayuu ka hadlaay Klopp, waxaanu yidhi: “James Milner shalay ayuu tababarka kusoo laabtay, waana caadi maanta, laakiin Firmino maya. Stefan Barjcetic ayaa isaguna maanta soo laabtay.