Dhuusamareeb (Idaacadda Daar-Dheer)Waxaa socota tirinta codadkii laga dhiibtay Doorashadii ka dhacday Dalka Maraykanka, waxaa bannaanka usoo baxaya xogaha muujinaya sida ay u kala codad badan yihiin Madaxweynihii hore ee Maraykanka Donald Trump iyo Haweeneyda haatan ku xigeenka ah ee Kamala Harris.
Harris ayaa dhaqdhaqaaq sameysay waxaana heysataa (214) waxaana u codeeyay Dad gaaraya (62,958,998) celcelis ahaan waxa ay heshay 47.36% halka Donald Trump uu ka sarreeyo dhanka hoggaaminta Doorashada isaga oo heysta (248) waxaana u codeeyay (68,133,963) una dhigan 51.2%
Gobollada qaar ee Dalka Maraykanka ah ee codadkooda la sugayo ayaa Warbaahinta waxa ay sheegtay in lasii saadaalinayo in uu ku codad badin doonno Madaxweynihii hore ee Dalka Maraykanka Donald Trump.
Dhinaca kale, Ilhaan Cumar ayaa guul muhiim ah ka gaartay doorashadii ay gashay, waxa ay u mahadcelisay Dadkii u codeeyay iyada oo sheegtay in ay ka shaqeyneyso tallaabooyinka lagu horumarinayo Bulshada ay metasho.
Dad badan ayaa hadal heyn ka dhaliyay Baraha Bulshada markii la xaqiijiyay in ay guuleysatay Xildhibaan Ilhaan Cumar isla markaana Donald Trump uu noqday musharraxa ugu cadcad ku guuleysiga Xilka Madaxweynaha Dalka Maraykanka.
Waxyaabaha lasoo qaadayo waxaa kamid ah in Ilhaan iyo Trump marar badan ay is dhaafsadeen hadallo adag, haddii ay markale saaxada siyaasadda isku arkaan howshu halkeeda kasii socon doonto waa sida hadalka loo dhigay.