Dhuusamareeb(Idaacadda Daar-Dheer)-Tababaraha Man United ee Erik ten Hag ayaa Cristiano Ronaldo ku weeraray bixitaankii uu xiddigu ka tagay qaybtii nasashada ee kulankii Rayo Vallecano ee isku diyaarinta xilli ciyaareedka cusub.
Ten Hag ayaa talaabada uu Cristiano Ronaldo qaaday ku tilmaamay mid aan la aqbali karin kadib markii uu xiddigu ka tagay garoonka isaga oo aan wax fasax ah haysan.
Ronaldo ayaa seegay dhamaan kulamadii isku diyaarinta xilli Ciyaareedka cusub ee Man United laakiin waxa uu ciyaaray kulankii ugu dambeeyay ee ka dhacay Old Trafford.
Xiddiga ayaa ciyaaray 45 daqiiqo kulankii Rayo Vallecan waxana la badalay qaybtii Nasashada ee ciyaarta waxana uu xiddigu go’aansaday in uu isaga tago garoonka iyada oo ciyaartu socoto.