Xulka England ayaa isku diyaarinaya ka qayb galka koobka adduunka iyada oo tartanku ka bilaaban doono dalka Qatar todobaadka dambe.
Xulka England ayaa ku hubaysan xiddigo tayo leh kuwaas oo qaab ciyaareed fiican ku jira xilli ciyaareedkan.Inkasta oo ay xiddigaha qaar muran badan dhaliyeen markii uu tababaruhu soo xushay hadana waxa si weyn loo filayaa in uu meel fiican ka gaadho koobka adduunka.Halyeeyga reer England ee Gary Neville ayaa ka hor bilaabashada koobka adduunka soo saaray shaxda uu doonayo in uu xulka England ku ciyaaro.Gary Neville ayaa doortay 5 daafac, 2 khadka dhexe ah iyo waliba 3 weerar ah taas oo inta badan ah shaxda uu tababaraha England ku ciyaaro.
